عظمیٰ ویب ڈیسک

سرینگر// وسطی کشمیر کے سری نگر ضلع کے صنعت نگر علاقے میں گزشتہ شب آگ کی ہولناک واردات میں ایک ایل ای ڈی الیکٹرک لیمپ مینوفیکچرنگ یونٹ کو نقصان پہنچا۔
ذرائع نے بتایا کہ تقریباً 4000 مربع فٹ کے پلاٹ پر تعمیر رفیقی ساؤنڈز نامی فیکٹری کو بجلی کے شارٹ سرکٹ کی وجہ سے آگ لگنے کے واقعے میں نقصان پہنچا۔
انہوں نے مزید کہا کہ یہ ایل ای ڈی الیکٹرک لیمپ، کمپریسر مشین، پٹا مشین، لیزر مشین، اسمبلی لائنز اور ایس ایم ٹی مشینوں کے لیے ایک مینوفیکچرنگ یونٹ تھا۔ یونٹ کا ایک حصہ بجلی اور الیکٹرانک سامان کو ذخیرہ کرنے کے لیے استعمال کیا جاتا تھا۔
انہوں نے کہا کہ گیزر، رائس ککر اور انڈکشن ہیٹر جیسی لوازمات کو شدید نقصان پہنچا ہے۔
آگ لگنے سے دو منزلہ عمارت مکمل طور پر تباہ ہوگئی ہے تاہم اس دوران کوئی جانی نقصان نہیں پہنچا۔