عظمیٰ ویب ڈیسک
سرینگر //رشوت خور ملازمین کیخلاف کارورائی جاری رکھتے ہوئے اینٹی کورپشن بیورو نے بڈگام میں کے پی ڈی سی ایل ایک کے ملازم کو رشوت لیتے ہوئے رنگے ہاتھوں دبوچ لیا ۔حکام نے بتایا کہ ملاز م کی شناخت منظور احمد ڈار کے طورہوئی ہے، 4000 روپے رشوت لیتے ہوئے رنگے ہاتھوں پکڑا گیا۔
انہوں نے کہا کہ شکایت کنندہ نے ایک تحریری شکایت درج کرائی تھی جس میں الزام لگایا گیا تھا کہ متعلقہ ملازم اس کے پولٹری فارم میں بجلی کے کنکشن کی سہولت فراہم کرنے کے لیے اس سے رشوت کا مطالبہ کر رہا ہے۔
جس کے بعد اے سی بی سرینگر نے اس کی تصدیق کی اور 4000 روپے رشوت کی رقم کا مطالبہ کرتے ہوئے اور قبول کرتے ہوئے ملازم کو رنگے ہاتھوں پکڑنے کے لیے ایک جال بچھا دیا۔ اس کے خلاف بدعنوانی کی روک تھام ایکٹ 1988 کے تحت ایف آئی آر نمبر 03/2025کے تحت مقدمہ درج کیا گیا ہے۔
رشوت خور ملازمین کیخلاف اینٹی کورپشن بیورو کی کارورائیاں جاری، بڈگام میں کے پی ڈی سی ایل ملازم 4ہزار روپے رشوت لیتے ہوئے رنگے ہاتھوں گرفتار
