عظمیٰ ویب ڈیسک

کشتواڑ// جموں و کشمیر کے ضلع کشتواڑ میں بدھ کو 3.4 شدت کا زلزلہ محسوس کیا گیا، جموں و کشمیر اور لداخ میں گزشتہ 2 روز کے دوران یہ بارہواں زلزلہ تھا۔
نیشنل سینٹر فار سیسمولوجی (این ایس سی) کے مطابق بدھ کی صبح 11 بج کر 57 منٹ پر زلزلہ کا جھٹکا محسوس کیا گیا۔
این سی ایس نے ایکس پر ایک پوسٹ میںبتایا، “کشتواڑ میں بدھ کو 11 بج کر 57 منٹ پر 3.4 شدت کا زلزلہ محسوس کیا گیا، زلزلے کی زیرِزمین گہرائی 5 کلومیٹر تھی جبکہ مرکز جموں و کشمیر کا کشتواڑ ضلع تھا۔
زلزلے سے علاقے میں کسی جانی یا مالی نقصان کی کوئی اطلاع موصول نہیں ہوئی ہے تاہم لوگوں میں خوف و ہراس کا ماحول پھیل گیا ہے۔
قبلِ ازیں، پیر کے روز سہ پہر سے اب تک جموں و کشمیر اور لداخ میں 12 بار زلزلے کے جھٹکے محسوس کئے گئے ہیں۔