کشمیر محفوظ ہے، یاتری اور سیاح یہاں آئیں: گجندر سنگھ شخاوت

عظمیٰ ویب ڈیسک
سری نگر/مرکزی وزیر برائے سیاحت اور ثقافتی امور گجندر سنگھ شخاوت نے سیاحوں اور یاتریوں کو کشمیر آنے کی دعوت دیتے ہوئے کہا کہ کشمیر محفوظ بھی ہے اور ثقافتی لحاظ سے مالا مال بھی ہے۔انہوں نے کہا کہ مرکزی سرکار اور جموں و کشمیر سرکار یاتریوں کے تحفظ کو یقینی بنانے کے لئے پر عزم ہے۔
موصوف وزیر نے ان باتوں کا اظہار جمعرات کو جنوبی کشمیر کے ضلع اننت ناگ میں نامہ نگاروں کے ساتھ بات کرنے کے دوران کیا۔انہوں نے کہاسیاح یہاں آئیں، کشمیر محفوظ بھی ہے اور ثقافتی لحاظ سے مالا مال بھی ہے،میں ملک کے 140 کروڑ لوگوں سے اپیل کرتا ہوں کہ یہاں آکر اس کی قدرتی خوبصورتی کا لطف اٹھائیں اور اس کے ثقافتی ورثے کا بھی درشن کریں۔
شری امرناتھ جی یاتر کے بارے میں پوچھے جانے والے ایک سوال کے جواب میں ان کا کہنا تھایاتری شری امر ناتھ یاترا کے لئے آئیں کشمیر محفوظ ہے کسی کوئی کسی قسم کا کوئی نقصان نہیں پہنچے گا۔گجندر سنگھ شخاوت نے کہا کہ مرکزی سرکار اور جموں و کشمیر سرکار یاتریوں کے تحفظ کو یقینی بنانے کے لئے پر عزم ہے۔انہوں نے کہا: ‘لیکن میری یہ گذارش رہے گی کہ یہاں آنے والے یاتری یہاں کے ماحول جو محفوظ رکھیں اور یہاں کی قدرتی خوبصورتی کے ساتھ کوئی چھیڑ چھاڑ نہ کریں۔