عاصف بٹ
کشتوا// کشتواڑ سنتھن اننت ناگ قومی شاہراہ پر برف ہٹانے کے دوران برفانی تودے کی زد میں آکر جے سی بی آپریٹر لقمہ اجل بن گیا۔
تفصیلات کے مطابق، یہ واقع منگل کی صبح سنتھن ٹاپ سے اننت ناگ کی طرف تین کلومیٹر کی دوری پر 198 کلومیٹر پر پیش آیا جب سنتھن شاہر پر اننت ناگ کی جانب سے برف ہٹانے پر معمور ڈوزر آپریٹر برفانی تودے کی زد میں آگیا ۔
واقع کے فوراً بعد انتظامیہ نے فوری طور ریسکوآپریشن شروع کیا جسکے بعد نعش کو نکالا گیا۔
متوفی کی شناخت جاوید احمد (35) ولد عبدالعزیز زگو ساکن لارنو کے طور پر کی ہے۔
این ایچ آئی ڈی سی ایل کے ایک عہدیدار نے بتایا کہ ریسکو آپریشن ہنوز جاری ہے۔
واضح رہے کہ سنتھن ٹاپ پر دو ہفتے قبل بھاری برفباری ہوئی، جسکے بعد سڑک پر سے برف ہٹانے کا عمل شروع کیا گیا تھا۔
