عظمیٰ ویب ڈیسک

جموں// پولیس نے جعلی بندوق لائسنسوں کی بازیابی کے سلسلے میں منگل کو تالاب تلو علاقے میں ایک احاطے پر چھاپہ مارا۔
پولیس ذرائع نے بتایا کہ 25 جولائی کو کرن باغ کے علاقے میں ایک زیر تعمیر عمارت سے جعلی بندوق کے لائسنس کی برآمدگی کے بعد مخصوص اطلاعات پر کارروائی کی گئی۔
اُنہوں نے کہا، “چھاپے کے دوران، کچھ دستاویزات اور مجرمانہ مواد ضبط کیا گیا تھا، چھاپہ جاری ہے”۔
جموں پولیس نے ستواری علاقے میں بڑے پیمانے پر جعلی لائسنسوں کا پردہ فاش کیا تھا۔
پولیس نے کہا تھا کہ معتبر ذرائع سے اطلاع ملی تھی کہ گڈی گڑھ کے رہنے والے تیرتھ سنگھ نامی ایک گن ہاوسز مالک نے ہارورڈ کالج کے قریب اپنی نئی زیر تعمیر عمارت میں جعلی بندوق کا لائسنس چھپا رکھے ہیں، جس کے مقدمہ درج کر کے تفتیش شروع کر دی گئی۔
پولیس نے کہا، “اطلاع کی بنیاد پر، 25 جولائی کو عمارت میں ایک مجسٹریٹ کی موجودگی میں چھاپہ مارا گیا اور 435 بندوقوں کے لائسنسوں پر مشتمل ایک بیگ اور کچھ دیگر دستاویزات برآمد ہوئے”۔