ایوان میں لوگوں کو در پیش مسائل کو اجاگر کیا جانا چاہئے:غلام احمد میر

عظمیٰ ویب ڈیسک
سرینگر/کانگریس کے سینئر لیڈر غلام احمد میر کا کہنا ہے کہ اسمبلی ممبران کوہاؤس میں ایک دوسرے کے جذبات کا احترام کرنا چاہئے۔انہوں نے کہا کہ ہاؤس میں خاص طور پر لوگوں کو در پیش مسائل پر بحث ہونی چاہئے۔انہوں نے کہا،امید تھی کہ اس سیشن کے دوران دونوں طرف سے کوئی نوک جھونک نہیں ہوگی لیکن بدقسمتی کی وجہ سے ایسا ہی ہوا۔ان کا کہنا تھا، ہمیں کوشش کرنی چاہئے کہ ایک دوسرے کے جذبات کا احترام کریں۔
میر نے کہا کہ ہائوس میں خاص طور پر لوگوں کو در پیش مشکلات پر بات ہونی چاہئے۔انہوں نے کہا،لوگوں کو گذشتہ سات برسوں سے جو مشکلات در پیش ہیں ان کو اجاگر کیا جانا چاہئے اور سرکارکو ان مسائل کے جواب دینے کو اپنا مقصد بنانا چاہئے۔
بی جے پی کے 31 جولائی کو یوم سیاہ منانے کے بارے میں پوچھے جانے پر موصوف لیڈر نے کہاوہ یہ باتیں بہت پہلے سے کر رہے ہیں ان کے لئےبہتر رہتا اگر وہ ایسا اس وقت کرتے جب وہ حکومت میں تھے لیکن اس وقت انہوں نے ایسا نہیں کیا۔انہوں نے کہا کہ یہ ماضی کی باتیں ہیں ہمیں آگے کا راستہ متعین کرنا چاہئے۔