غلام نبی رینہ
کنگن//وسطی کشمیر کے گاندربل ضلع میں زیر تعمیر پل پر کام کرنے کے دوران زخمی ہوئے اترپردیش کے دو مزدور میں سے ایک مزدور سرینگر کے ہسپتال میں زخموں کی تاب نہ لاکر دم توڈ بیٹھا۔
تفصیلات کے مطابق رواں ہفتے24ستمبر کو گاندربل ضلع کے وائل علاقہ میں نالہ سندھ پر زیر تعمیر پل پر کام کے دوران دو مزدور گر کر زخمی ہوگئے تھے جن کو فوری طور پر علاج ومعالجہ کے لئے ضلع ہسپتال گاندربل منتقل کیا گیا جہاں سے ان کو بہتر علاج کے لئے سکمز صورہ منتقل کیا گیا۔
زخمیوں کی شناخت شاہ میر ولد صمد میر عباس،گلریز عباس ولد واجد عباس ساکن اترپردیش کے بطور ہوئی ہے۔
ہسپتال ذرائع سے معلوم ہواہے کہ گلریز عباس چار روز کے بعد زخموں کی تاب نہ لاکر دم توڑ بیٹھا۔
گاندربل پولیس نے اس سلسلے میں پہلے کی کیس درج کیا ہے۔
