ملک اپنے وکست بھارت کے مقصد کو پورا کرے گا، بجٹ سیشن قوم کو نئی توانائی دے گا: وزیر اعظم

نئی دہلی// بجٹ سیشن کے آغاز سے قبل وزیر اعظم نریندر مودی نے کہا کہ بھارت اپنے وکست بھارت کے مقصد کو کامیابی سے حاصل کرے گا اور یہ بجٹ سیشن قوم کو نئی توانائی اور امید فراہم کرے گا۔
نئے سیشن کے آغاز سے قبل میڈیا سے اپنے روایتی خطاب میں وزیر اعظم مودی نے کہا، “بجٹ سیشن سے قبل میں ماں لکشمی، دولت اور خوشحالی کی دیوی کو نمستے پیش کرتا ہوں”۔
مہا لکشمی منتر کا ذکر کرتے ہوئے وزیر اعظم نے کہا کہ وہ دعا گو ہیں کہ ماں لکشمی غریبوں اور متوسط طبقے پر خصوصی برکتیں ڈالیں۔
انہوں نے کہا، “میں دعا گو ہوں کہ ماں لکشمی ہمارے ملک کے غریبوں اور متوسط طبقے کو اپنی برکتیں دے کر ان کی حالت بہتر کریں”۔
وزیر اعظم نے کہا کہ یہ ملک اور پوری دنیا کے لیے فخر کا باعث ہے کہ بھارت نے جموکری ملک کے طور پر 75 سال مکمل کیے ہیں۔ بھارت نے عالمی سطح پر اپنی مضبوط شناخت قائم کی ہے۔
وزیر اعظم نے کہا، “یہ میرے تیسری مدت کا پہلا مکمل بجٹ ہے۔ میں پورے اعتماد کے ساتھ کہہ سکتا ہوں کہ 2047 میں جب بھارت اپنی آزادی کی 100ویں سالگرہ منائے گا، بھارت اپنے وکست بھارت کے مقصد کو پورا کرے گا اور یہ بجٹ قوم کو نئی توانائی اور امید دے گا، اور 140 کروڑ لوگ اس عہد کو پورا کریں گے”۔
انہوں نے کہا، “ہماری تیسری مدت میں ہم تمام تر ترقی کے لیے پرعزم ہیں… ہم مشن موڈ میں ہیں۔ جدت، شمولیت اور سرمایہ کاری — یہ ہماری اقتصادی ترقی کا روڈ میپ ہے۔ اس سیشن میں کئی تاریخی بلز پر بحث کی جائے گی اور بہت سی باتیں ہوں گی… اصلاحات، کارکردگی اور تبدیلی… مرکز اور ریاستیں مل کر تبدیلی لائیں گی۔ ہمارا ملک نوجوانوں سے بھرا ہوا ہے، اور جو لوگ آج 25-26 سال کے ہیں، وہ وکست بھارت کے فوائد حاصل کریں گے اور جب وہ 45-46 سال کے ہوں گے تو ان فوائد کو دیکھیں گے…”
وزیر اعظم نے مزید کہا، “اس بجٹ سیشن میں تمام ارکان پارلیمنٹ وکست بھارت کو مستحکم کرنے میں اپنا حصہ ڈالیں گے، خاص طور پر نوجوان ارکان پارلیمنٹ، کیونکہ یہ ان کے لیے سنہری موقع ہے۔ وہ وکست بھارت کے گواہ بنیں گے… مجھے امید ہے کہ ہم عوام کی توقعات پر پورا اتریں گے…”