یو این آئی

نئی دہلی// ہندوستان نے چین کی طرف سے جاری کردہ 2023 کے نام نہاد ‘معیاری نقشہ’ کو بے بنیاد اور ہندوستانی سرزمین پر قبضہ قرار دیتے ہوئے چینی حکومت سے سخت احتجاج کیا ہے۔

چین کے اس نام نہاد نقشے کے بارے میں میڈیا کے سوالات کا جواب دیتے ہوئے وزارت خارجہ کے ترجمان ارندم باگچی نے کہا، “ہم نے آج سفارتی چینلز کے ذریعے چین کے نام نہاد 2023 کے ‘معیاری نقشے’ پر چینی فریق کے ساتھ سخت احتجاج درج کرایا ہے جو ہندستان کے علاقے پر دعویٰ کرتا ہے۔

مسٹر باگچی نے کہا، “ہم ان دعوؤں کو مسترد کرتے ہیں کیونکہ ان کی کوئی بنیاد نہیں ہے۔ چینی فریق کی طرف سے اس طرح کی حرکتیں صرف سرحدی سوال کے حل کو پیچیدہ بناتی ہیں۔