ہما قریشی سوچیت گڑھ میں شیلنگ سے متاثرہ خاندانوں سے ملاقات کریں گی

عظمیٰ ویب ڈیسک
سرینگر/بالی ووڈ اداکارہ ہما قریشی بدھ کو محکمہ سیاحت جموں کی جانب سے یہاں سے تقریباً 30 کلومیٹر دور بین الاقوامی سرحد کے ساتھ واقع رنبیر سنگھ پورہ کے سچیت گڑھ میں آکٹرائی بارڈر چوکی پر منعقد ہونے والی ثقافتی تقریب میں شرکت کریں گی ۔
محکمہ سیاحت کے ایک عہدیدار نے بتایاجموں ٹورازم کل شام کو آکٹرائے بارڈر پوسٹ پر ایک ثقافتی شام کا اہتمام کر رہا ہے جس میں بالی ووڈ اداکارہ ہما قریشی مہمان خصوصی کی حیثیت سے شرکت کریں گی۔
انہوں نے کہا کہ اداکارہ مسلح افواج کے ساتھ بات چیت کریں گی جو ’آپریشن سندور‘ کے دوران سب سے آگے رہے ہیں۔ان کا کہنا ہے کہ وہ سرحد پار کی طرف سے کی جانے والی گولہ باری سے متاثرہ خاندانوں سے بھی بات چیت کریں گی۔
موصوف عہدیدار نے بتایا کہ یہ دورہ جموں ٹورازم کے احیاء اور سیاحت کی صنعت کے تمام اسٹیک ہولڈرز سے ملاقات کے حوالے سے بھی منعقد کیا گیا ہے۔انہوں نے کہا کہ شرکا کے لیے داخلہ مفت ہے اور ہمیں امید ہے کہ صورتحال کافی حد تک معمول پر آنے کے بعد جموں میں سیاحت کا شعبہ جلد ہی دوبارہ فروغ پائے گا۔محکمہ سیاحت جموں کے جوائنٹ ڈائریکٹر اعزاز قیصر نے تاہم اداکارہ کے کل بارڈر کے دورے کی تصدیق کی۔