عظمیٰ ویب ڈیسک
جموں/کشمیر میں اعلیٰ سطحی سیکیورٹی میٹنگ کے ایک دن بعد، جموں میں بھی سیکیورٹی صورتحال کا جائزہ لینے کے لیے ایک اور اجلاس جاری ہے۔ ذرائع کے مطابق، اس میٹنگ کی صدارت لیفٹیننٹ گورنر منوج سنہا کر رہے ہیں۔
ذرائع نے بتایا کہ اس اجلاس میں پولیس، فوج، سی آر پی ایف اور دیگر سیکیورٹی ایجنسیوں کے اعلیٰ حکام شریک ہیں۔ انہوں نے کہا کہ میٹنگ کا مقصد قانون و امن و امان، سیکیورٹی کی صورتحال اور لائن آف کنٹرول (ایل او سی) پر دراندازی سمیت دیگر معاملات کا جائزہ لینا ہے۔
بدھ کے روز لیفٹیننٹ گورنر منوج سنہا نے سری نگر کے پولیس کنٹرول روم میں بھی ایک سیکیورٹی جائزہ اجلاس کی صدارت کی تھی تاکہ کشمیر کی سیکیورٹی صورتحال کا تجزیہ کیا جا سکے۔
یہ اجلاس اس پس منظر میں ہو رہا ہے جب گزشتہ ہفتے دہلی میں مرکزی وزیر داخلہ امیت شاہ کی زیر صدارت بھی یکے بعد دیگرے سیکیورٹی میٹنگز منعقد ہوئیں۔
