عظمیٰ ویب ڈیسک
نئی دہلی/حج 2026 کے لیے درخواست دینے کی کارروائی منگل سے شروع ہوگئی جو 31 جولائی تک جاری رہے گی۔اقلیتی امور کی وزارت نے کہا کہ حج 2026 کے لیے درخواستیں جمع کرنے کا عمل شروع ہو گیا ہے۔ آن لائن درخواستیں 31 جولائی تک قبول کی جائیں گی۔
حج پر جانے والے عازمین حج پورٹل https://hajcommittee.gov.in یا ’حج سویدھا ایپ ‘کے ذریعے اپنی درخواست جمع کر سکتے ہیں۔ آن لائن درخواست کی ونڈو آج سے 31 جولائی رات 11:59 بجے تک کھلی رہے گی۔
انہوں نے کہا کہ درخواست دینے کی آخری تاریخ کو یا اس سے پہلے پاسپورٹ کا جاری ہونا لازمی ہے اور یہ کم از کم 31 دسمبر 2026 تک کی میعاد کا ہونا چاہیے۔حج کمیٹی نے درخواست گزاروں کو مشورہ دیا ہے کہ وہ درخواست دینے سے پہلے اپنی تیاریوں پر غور کرلیں۔ انہوں نے کہا کہ درخواست دہندہ کو درخواست کی منسوخی کی صورت میں مالی نقصان اٹھانا پڑے گا ۔
حج 2026 کے لیے درخواستیں شروع
