عظمیٰ ویب ڈیسک

جموں// جموں و کشمیر حکومت نے اپنے ملازمین سے کہا ہے کہ وہ اپنی سرکاری ڈیوٹی کے حصے کے طور پر 26 جنوری کو ہونے والی تقاریب میں شرکت کریں۔
یوم جمہوریہ، 2024 کی مرکزی تقریب مولانا آزاد سٹیڈیم، جموں میں منعقد کی جا رہی ہے، جہاں لیفٹیننٹ گورنر پروگرام کی صدارت کریں گے اور مارچ پاسٹ پر سلامی لیں گے۔
جموں میں تعینات حکومت اور پبلک سیکٹر انڈر ٹیکنگز کے تمام افسران/ اہلکاروں سے کہا جاتا ہے کہ وہ اپنی سرکاری ڈیوٹی کے حصہ کے طور پر تقریب میں شرکت کریں۔
منگل کو جاری ایک حکم نامہ میں کہا گیا ہے کہ تمام محکموں کے سربراہان اور پبلک سیکٹر انڈرٹیکنگز کے چیف ایگزیکٹوز اس تقریب میں اپنی اور اپنے ماتحت ملازمین کی شرکت کو یقینی بنائیں گے۔