جموں وکشمیر کےزراعت شعبے کی ترقی میں بچیوں کا بہت بڑا کردار ہوگا: منوج سنہا

عظمیٰ ویب ڈیسک
جموں/جموں و کشمیر کے لیفٹیننٹ گورنر منوج سنہا کا کہنا ہے کہ جموں وکشمیر کی بچیوں کا زراعت کے شعبے کی ترقی میں بہت بڑا کردار ہوگا۔انہوں نے کہا کہ بچیوں نے جس طرح گولڈ میڈیل حاصل کئے وہ جموں وکشمیر کے لئے تاریخی اہمیت کا حامل ہے۔انہوں نے کہاجس طرح بچیوں نے گولڈ میڈیل حاصل کئے وہ جموں وکشمیر کے لئے ایک تاریخی دن ہے۔
ان کا کہنا تھاجموں وکشمیر کی بچیوں کا زراعت کے شعبے کی ترقی میں بہت بڑا کردار ہوگا جس کی ہم سب کو سراہنا کی جانی چاہئے۔ سنہا نے کہا کہ شیر کشمیر یونیورسٹی آف ایگریکلچرل سائنسز اینڈ ٹیکنالوجی جموں نے گذشتہ چار پانچ برسوں کے دوران قابل تعریف کام کیا ہے۔
انہوں نے کہا میں بہت خوش ہوں کہ شیر کشمیر یونیورسٹی آف ایگریکلچرل سائینز اینڈ ٹیکنالوجی (ایس کے یو ایس ٹی) جموں نے پچھلے چار پانچ برسوں میں نئے معیارات قائم کیے ہیں۔ان کا کہنا تھا اگلے پانچ برسوں میں جموں و کشمیر کے جی ڈی پی میں زراعت اور اس سے منسلک شعبوں کا حصہ دوگنا ہو جائے گا، ہم اس سمت میں آگے بڑھ رہے ہیں۔