راجا ارشاد احمد
گاندربل /سرسبز درختوں کی حفاظت کرتے ہوئے گاندربل پولیس نے غیر قانونی طور پر کاٹی گئی بھاری مقدار میں لکڑی ضبط کی ہے۔پولیس کی جانب سے جاری بیان کے مطابق گوٹلی باغ گاندربل کے بالائی علاقوں میں سبز دیودار کے درختوں کی غیر قانونی کٹائی میں ملوث 04 ملزمان کو گرفتار کیا ہے۔
پولیس چوکی گوٹلی باغ کو فاریسٹ بلاک آفیسر گوٹلی باغ سے ایک ضبطی کے ساتھ دستاویز موصول ہوئے جس میں کہا گیا ہے کہ 26-07-2025 کو لکڑی کے کچھ اسمگلروں نے دیودار کے سبز درختوں کو غیر قانونی طور پر کاٹ دیا، انہیں تیار شدہ لاگ میں تبدیل کیا، اور موقع سے فرار ہوگئے۔
فوری کارروائی کرتے ہوئے، ایف آئی آر نمبر 119/2025 سیکشن 26 فاریسٹ ایکٹ اور سیکشن 303(2)، 61 بی این ایس کے تحت پولیس اسٹیشن گاندربل میں درج کیا گیا۔ ایس ایس پی گاندربل خلیل احمد پوسوال کی ہدایت پر، انچارج پولیس چوکی گوٹلی باغ کی سربراہی میں ڈی ایس پی ہیڈکوارٹر گاندربل کی نگرانی میں ملوثین کا سراغ لگانے اور انہیں پکڑنے کے لیے ایک خصوصی پولیس ٹیم تشکیل دی گئی۔
مسلسل کوششوں اور تحقیقات کے بعد، گاندربل پولیس نے کامیابی کے ساتھ غیر قانونی کام میں ملوث تمام 04 ملزمان کو گرفتار کرلیا۔ گرفتار افراد کی شناخت محمد الطاف خان ولد قاضی رحمن خان ، سراج الدین خان ولد غلام قادر، ریاض احمد خان ولدصنوبر خان، اور جاوید احمد خان ساکنان بیلا وسن گاندربل کے طور پرہوئی ہے ۔چاروں افراد غیر قانونی طور پر دیودار کی لکڑی سمگل کرنے کی کوشش کررہے تھے ۔ مذکوریان کے قبضے سے لکڑی کاٹنے والا کٹر حاصل کیا گیا ۔ گاندربل پولیس نے لکڑی کے اسمگلروں اور ان کے مجرمانہ سازشی قانون کے خلاف کریک ڈاؤن جاری رکھنے کے اپنے پختہ عزم کا کیا ہے۔
گاندربل پولیس کی بڑی کارروائی ،گوٹلی باغ میں بھاری مقدار میں لکڑی ضبط، 4 افراد کو گرفتارکیا
