عظمیٰ نیوز سروس
سرینگر// روزنامہ کشمیر عظمیٰ کے عملہ ادارت کے سابق رکن محمد ابراہیم قریشی ساکن آبی گزر لالچوک سرینگر طویل علالت کے بعد آج صبح انتقال کر گئے۔
مرحوم طویل عرصے سے گردوں کے عارضہ میں مبتلا تھے اور دونوں گردے ناکارہ ہوجانے کی وجہ سے ڈیالیسز پر تھے۔
مرحوم کی نماز جنازہ شام 7 بجے آبی گزر میں ہی انجام دی جائے گی جس کے بعد انہیں اشبر نشاط کے قبرستان واقع بالمقابل سی آئی ای ریذیڈنس، نزدیک سنسٹ بلیوارڈ ریسٹورنٹ میں سپرد خاک کر دیا جائے گا۔
اس سلسلے میں کشمیر عظمیٰ کے عملہ ادارت کا ایک تعزیتی اجلاس منعقد ہوا جس میں مرحوم کے انتقال پر تعزیت کا اظہار کرتے ہوئے پسماندگان کے ساتھ یکجہتی کا اظہار کیا گیا جبکہ مرحوم کے درجات بلندی کیلئے دعا کی گئی۔
کشمیر عظمیٰ کے مدیر اعلیٰ فیاض احمد کلو نے بھی محمد ابراہیم قریشی کے انتقال پر سوگوار کنبہ کے ساتھ تعزیت پرسی کرتے ہوئے مرحوم کی جنت نشینی کیلئے دعا کی ہے۔