عظمیٰ ویب ڈیسک
واشنگٹن/جینیٹکس کے شعبے میں نوبل انعام حاصل کرنے والے معروف امریکی سائنسدان جیمس واٹسن 97 برس کی عمر میں طویل علالت کے بعد انتقال کر گئے۔ امریکی میڈیا کے مطابق کولڈ اسپرنگ ہاربر لیبارٹری کے ترجمان نے ان کی موت کی تصدیق کی۔ واٹسن نے 1962ء میں ڈی این اے کی ساخت دریافت کرنے پر نوبل انعام حاصل کیا تھا۔جیمس واٹسن کی موت کی تصدیق کولڈ اسپرنگ ہاربر لیبارٹری کے ترجمان نے کی ہے۔
جیمس واٹسن نے 1962ء میں نوبل انعام جیتا تھا۔جیمس واٹسن نے اپنے موت سے قبل ایک انٹرویو میں بتایا تھا کہ وہ اپنی زندگی میں کچھ اہم کام کرنا چاہتے تھے، وہ سچائی کی کھوج میں تھے اور یہی ان کے زندگی کا مقصد تھا۔واٹسن کو 1953ء فرانسس کرک اور مورس ولکنز کے ساتھ ڈبل ہیلکس اسٹرکچر دریافت کرنے پر نوبل انعام کا شریک حقدار قرار دیا گیا تھا۔نیچر نامی رسالے میں پہلی بار شائع ہونے والی ان کی تحقیق کو بڑی اہمیت دی جاتی ہے جسے مالیکیولر بائیولوجی میں اہم پیشرفت قرار دیا گیا۔
نوبل انعام یافتہ سائنسدان جیمس واٹسن 97 برس کی عمر میں انتقال کر گئے
