جموں صوبہ میں بالآخر سیلاب کا خطرہ ٹل گیا،سبھی ندی نالے خطرے کے نشان سے نیچے بہنا شروع

عظمیٰ ویب ڈیسک
جموں//جموں صوبہ میں بالآخر سیلاب کا خطرہ ٹل گیا ہے کیونکہ سبھی ندی نالے اب خطرےکے نشان سے نیچے بہہ رہے ہیں۔
اکھنور کے مقام پر دریائے چناب میں پانی کی سطح 2 دن بعد بالآخر فلڈ الرٹ لیول سے نیچے آگئی۔
توی ندی میں بھی پانی کی سطح کافی حد تک کم ہوچکی ہے جبکہ خطے میں دیگر تمام ندیاں اور ندیاں اب فلڈ الارم کی سطح سے نیچے بہہ رہی ہیں۔
پانی کی سطح خطرے کے نشان سے نیچے آنے پر لوگوںنے راحت کی سانس لی ہے۔
اس دوران صوبہ میں موسم بھی خوشگوار ہوچکا ہے اور مطلع بالکل صاف ہے جبکہ فوری بارشوںکا کوئی امکان نہیں ہے۔