کرگل// کرگل ضلع کے شیلکچے علاقے میں منگل کے روز ایک المناک حادثے میں پانچ افراد جاں بحق جبکہ دو شدید زخمی ہوگئے۔ حادثہ ایک سکارپیو اور ٹپر کے درمیان تصادم کے نتیجے میں پیش آیا۔
سرکاری ذرائع کے مطابق، اسکورپیو (رجسٹریشن نمبر UP79A/1150) اور ٹپر (JK02AD/5118) کے درمیان تصادم ہوا، جس کے نتیجے میں دونوں گاڑیاں گہری کھائی میں جا گریں۔
پولیس سٹیشن کرگل نے فوری طور پر جائے وقوعہ پر پہنچ کر امدادی کارروائی شروع کی۔ تمام متاثرین کو ہسپتال منتقل کیا گیا، جہاں ڈاکٹروں نے پانچ افراد کو مردہ قرار دیا۔ دیگر دو زخمی افراد کی حالت تشویشناک بتائی جا رہی ہے۔
ذرائع کے مطابق، جاں بحق ہونے والوں میں تین مقامی اور دو غیر مقامی شامل ہیں۔
کرگل پولیس نے معاملے کی تحقیقات شروع کر دی ہے اور مقدمہ درج کر لیا گیا ہے۔
کرگل میں سڑک حادثہ، 5 افراد جاں بحق، دو شدید زخمی
