سری نگر کے نور باغ علاقے میں آتشزدگی، 13 رہائشی شیڈ خاکستر

عظمیٰ ویب ڈیسک
سری نگر/سری نگر کے نور باغ علاقے میں منگل کی رات دیر گئے آگ کے ایک بھیانک واقعے میں کم سے کم 13 رہائشی شیڈ خاکستر ہوگئے۔ذرائع نے بتایا کہ نور باغ کی پمپوش کالونی میں منگل کی رات دیر گئے قریب ساڑھے دس بجے آگ لگ گئی جس کے شعلوں نے متصل واقع رہائشی ڈھانچوں کو اپنی لپیٹ میں لے لیا۔
محکمہ فائر اینڈ ایمرجنسی کے ایک عہدیدار نے بتایا کہ آتشزدگی کے بارے میں اطلاع موصول ہونے پر فائر ٹنڈرس کو جائے موقع پر بھیج دیا گیا اور جنہوں نے آگ کو قابو میں کر لیا۔انہوں نے کہا کہ اس واقعے میں 13 رہائشی شیڈ خاکستر ہوگئے۔ان کا کہنا ہے کہ آگ لگنے کی وجوہات معلوم کی جا رہی ہیں تاہم اس واقعے میں کسی قسم کے کسی جانی نقصان کی کوئی اطلاع نہیں ہے۔