جموں// اودھم پور-سرینگر-بارہمولہ ریل لنک (یو ایس بی آر ایل) پروجیکٹ کے کٹرہ-بانہال سیکشن پر بدھ کے روز حتمی فُل سپیڈ ٹرائل کامیابی سے مکمل کیا گیا۔
یہ ٹرائل کمشنر آف ریلوے سیفٹی (شمالی سرکل) دنیش چند دیشوال کی زیر نگرانی انجام دیا گیا۔
ذرائع نے بتایا کہ کٹرہ ریلو اسٹیشن سے بدھ کے روز صبح ساڑھے گیارہ بجے ٹرین روانہ کی گئی جو دن ایک بجے بانہال پہنچی۔
یاد رہے کہ ریلوے جلد ہی سرینگر سے کٹرہ تک وندے بھارت ایکسپریس ٹرین شروع کرنے والا ہے، جس کا راستہ تقریباً 100 کلومیٹر پر مشتمل ہوگا اور یہ سفر دو گھنٹے اور 30 منٹ میں مکمل ہو گا۔
وزیر اعظم نریندر مودی نے پیر کے روز نئے جموں ریلوے ڈویژن کا ورچوئل افتتاح کیا اور اس موقع پر کہا کہ اودھم پور-سرینگر-بارہمولہ ریل لنک (یو ایس بی آر ایل) پروجیکٹ ہندوستان کی انجینئرنگ مہارت کا ایک اہم نمونہ ہے۔
شمالی ریلوے نے اس روٹ کے لیے ٹرین کے اوقات کا اعلان بھی کیا ہے، جس کے مطابق وندے بھارت ایکسپریس ٹرین کٹرہ سے صبح 8:10 بجے روانہ ہو کر صبح 11:20 بجے سری نگر پہنچے گی۔
کشمیر ریل سروس کے 26 جنوری سے آغاز کی توقع ہے۔
