بانڈی پورہ میں جعلی سم کارڈ ریکیٹ کا پردہ فاش، ایک گرفتار

بانڈی پورہ//بانڈی پورہ پولیس نے جعلی سم کارڈ ریکیٹ کا پردہ فاش کیا اور جعلی دستاویزات بنا کر جعلی سم کارڈ جاری کرنے کے الزام میں ایک شخص کو گرفتار کر لیا۔
تفصیلات کے مطابق بانڈی پورہ پولیس کو معتبر ذرائع سے اطلاع ملی تھی کہ ایجنٹس اپنے ذاتی مفادات کے لیے سم کارڈ حاصل کرنے کے لیے جعلی دستاویزات بنا کر لوگوں کو دھوکہ دے رہے ہیں اور ایسے سم کارڈوں کو مجرمانہ کارروائیوں کے لیے فروخت کر رہے ہیں۔ اس سلسلے میں ایف آئی آر نمبر 109/2022 قانون کی متعلقہ دفعات کے تحت پولیس تھانہ بانڈی پورہ میں درج کرکے مزید تفتیش شروع کردی گئی۔
تفتیش کے دوران ایک شخص کا نام پرویز احمد گنیی ولد غضنفر محمد گنیی سکنہ چیکریشی پورہ کو گرفتار کر لیا گیا۔ ابتدائی تفتیش میں یہ بات سامنے آئی ہے کہ مذکورہ ملزم نے جعلی/فرضی دستاویزات، بینک پاس بک کا استعمال کرتے ہوئے جعلی تفصیلات پر بہت سے سم کارڈز جاری کیے ہیں اور اپنی تصویر بھی استعمال کی ہے۔ اور معاملے کی مزید تفتیش جاری ہے۔
اسی دوران پولیس نے کہا کہ عام لوگوں کو محتاط رہنے اور تمام تصدیق کے بعد قانونی ذرائع سے سم کارڈ حاصل کرنے کا مشورہ دیا جاتا ہے۔ ٹیلی کام سروسز کے قوانین اور شرایط پر عمل کریں اور سم کارڈ سکیمرز کے ذاتی مفادات کا شکار نہ ہوں۔