ڈوڈہ// نیشنل سینٹر فار سیسمولوجی (این سی ایس) نے بتایا کہ پیر کی صبح جموں و کشمیر کے ڈوڈہ اور کشتواڑ اضلاع میں زلزلے کے جھٹکے محسوس کئے گے۔ تاہم زلزلے سے کوئی جانی نقصان نہیں ہوا۔
این سی ایس نے بتایا زلزلے کے جھٹکے صبح 5:38 بجے کے قریب محسوس کئے گئے۔
این سی ایس نے ٹویٹ کہا، ” 4.9 شدت کا زلزلہ صبح 05:38:54 بجے محسوس کیا گیا، جس کی زیر زمین گہرائی 10 کلومیٹر تھے جبکہ مرکز ڈوڈہ تھا۔
ذرائع نے بتایا کہ زلزلے سے تاحال کسی جانی یا مالی نقصان کی کوئی اطلاع موصول نہیں ہوئی ہے۔
ڈوڈہ// جموں وکشمیر کے ضلع ڈوڈہ میں پیر کی صبح یکے بعد دیگرے دو زلزلوں کے جھٹکے محسوس کئے گئے۔
نیشنل سینٹر فار سیسمالوجی (این سی ایس) کے مطابق ڈوڈہ میں پیر کی صبح 5 بجکر 38 منٹ پر زلزلے کے جھٹکے محسوس کئے گئے۔
سینٹر کے مطابق ریکٹر اسکیل پر زلزلے کی شدت4.9 ریکارڈ ہوئی ہے جبکہ زیر زمین اس کی گہرائی 10 کلو میٹر تھی۔
اس کے 5 منٹ بعد ایک اور زلزلے کے جھٹکے محسوس کئے گئے۔
این سی ایس کے مطابق اس زلزلے کے جھٹکے 5 بجکر 43 منٹ پر محسوس کئے گئے۔
سینٹر کے مطابق ریکٹر اسکیل پر اس زلزلے کی شدت 3.6 ریکارڈ کی گئی جبکہ زیر زمین اس کی گہرائی 8 کلو میٹر تھی۔
قابل ذکر ہے کہ ماہ جون میں جموں وکشمیر اور لداخ یونین ٹریٹری زائد از ایک درجن زلزلوں کے جھٹکے محسوس کئے گئے۔
ان زلزلوں سے گرچہ لوگوں میں تشویش کی لہر دوڑ گئی ہے تاہم ماہرین کا کہنا ہے کہ لوگوں کو زیادہ گھبرانے کی ضرورت نہیں ہے۔
جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے۔
