عظمیٰ ویب ڈیسک

سرینگر// جموں وکشمیر کے ضلع کشتواڑ اور لداخ کے ضلع کرگل میں زلزلے کے ہلکے جھٹکے محسوس کئے گئے تاہم اس دوران کسی جانی یا مالی نقصان کی کوئی اطلاع نہیں ہے۔
نیشنل سینٹر فار سیسمالوجی کے مطابق کشتواڑ میں جمعہ کی رات 11 بج کر 2 منٹ پر زلزلے کے ہلکے جھٹکے محسوس کئے گئے۔ انہوں نے کہا کہ ریکٹر سکیل پر اس زلزلے کی شدت 3.2 ریکارڈ کی گئی جبکہ اس کی زیر زمین گہرائی 10 کلو میٹر تھی۔
این سی ایس کے مطابق قبل ازیں کشتواڑ میں ہی جمعہ کے روز 5 بجکر 20 منٹ پر زلزلے کے جھٹکے محسوس کئے گئے۔انہوں نے کہا کہ ریکٹر سکیل پر زلزلے کی شدت 3.8 ریکارڈ کی گئی جبکہ اس کی زیر زمین گہرائی 10 کلو میٹر تھی۔
این سی ایس کے مطابق لداخ کے ضلع کرگل میں ہفتے کے روز 10 بجکر 17 منٹ پر زلزلے کے ہلکے جھٹکے محسوس کئے گئے۔ انہوں نے کہا کہ ریکٹر سکیل پر اس زلزلے کی شدت3.5 ریکارڈ کی گئی جبکہ اس کی زیر زمین گہرائی 5 کلو میٹر تھی۔تاہم زلزلوں سے کسی قسم کے جانی یا مالی نقصان کی کوئی اطلاع نہیں ہے۔
بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے۔