سری نگر/ منشیات کے خلاف جنگ کو جاری رکھتے ہوئے پولیس نے شمالی کشمیر کے قصبہ سوپور میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ سوپور پولیس نے اشہ پیر – بٹہ پورہ روڈ پر معمول کے ایک آپریشن کے دوران ایک شخص کو روکا۔
انہوں نے کہا کہ تلاشی کے دوران اس کی تحویل سے ایک پالیتھین بیگ رکھے گئے ممنوعہ کوڈین فاسفیٹ کو بر آمد کیا گیا۔
ملزم کی شناخت فاروق احمد کنہ ولد عبد الخالق کنہ ساکن خوشحال متو سوپور کے طور پر کی گئی ہے۔
بیان میں کہا گیا کہ اس سلسلے میں پولیس اسٹیشن سوپور میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔
انہوں نے کہا کہ سوپور پولیس معاشرے سے منشیات کی بیخ کنی کو یقینی بنانے کے لئے پر عزم ہے۔