کشمیر پر ہند پاک کے مابین ثالثی کیلئے ٹرمپ کا نواں دعویٰ ،وزیر اعظم نریندر مودی کی اس بار بھی خاموشی حیران کن : جئے رام رمیش

عظمیٰ ویب ڈیسک
سرینگر /امریکی صدر ڈونالڈ ٹرمپ کے اپنے اس دعوے کو دہرانے کے ساتھ کہ انہوں نے بھارت اور پاکستان کے درمیان جنگ روک دی ہے ۔کانگریس نے کہا کہ ٹرمپ ’’نویں بار ‘‘اپنے دعوے جاری رکھے ہوئے ہیں اور وزیر اعظم نریندر مودی ان پر خاموش ہیں۔
کانگریس کے جنرل سیکرٹری انچارج کمیونیکیشن جے رام رمیش نے ایکس پر ٹرمپ کے ریمارکس کا ایک ویڈیو کلپ شیئر کیا جس میں انہوں نے اپنے دعوے کو دہرایا کہ انہوں نے ہندوستان اور پاکستان کے درمیان جنگ روک دی اور اسے تجارت کے ساتھ روک دیا۔
رمیش نے کہا کہ جیسا کہ ہندوستان احمد آباد طیارہ سانحہ پر غم میں گھرا ہوا ہے، صدر ٹرمپ “نویں بار” ہندوستان اور پاکستان پر اپنے دعوے جاری رکھے ہوئے ہیں۔انہوں نے کہا ’’ یہ کل واشنگٹن ڈی سی کے کینیڈی سینٹر میں ہوا تھا۔ اور وزیر اعظم ان دعووؤں پر خاموش ہیں۔ ‘‘ اس بات پر زور دیتے ہوئے کہ وہ کچھ بھی حل کر سکتے ہیں ٹرمپ نے جمعرات کو کہا کہ ہندوستان اور پاکستان کے درمیان کشمیر پر ایک طویل عرصے سے دشمنی ہے اور وہ دونوں ممالک کو ایک ساتھ لائیں گے۔
بھارت اپنے موقف پر قائم ہے کہ کشمیر ایک دو طرفہ مسئلہ ہے تیسرے فریق کی ثالثی کے لیے کھلا نہیں۔ٹرمپ نے وائٹ ہاؤس میں بل پر دستخط کی تقریب کے دوران ایک سوال کے جواب میں کہا، ’’ہم ان دونوں (ہندوستان اور پاکستان) کو اکٹھا کرنے جا رہے ہیں۔‘‘انہوں نے کہا کہ میں نے ان سے کہا، ہندوستان اور پاکستان، ان کی کشمیر پر طویل عرصے سے دشمنی ہے اور میں نے کہا کہ میں کچھ بھی حل کر سکتا ہوں۔