عظمیٰ ویب ڈیسک

کپواڑہ// سائبر سیل کپواڑہ نے آن لائن مالی فراڈ کے معاملے کو کامیابی کے ساتھ حل کیا اور لاکھوں روپے کی رقم بچا لی۔
پولیس ترجمان نے بتایا کہ سائبر سیل کپواڑہ کو 1,00,000 روپے کے آن لائن مالی فراڈ کی شکایت موصول ہوئی اور شکایت موصول ہونے کے فوراً بعد سائبر سیل کپواڑہ نے متاثرہ سے شواہد اور معلومات اکٹھی کیں۔
ترجمان نے کہا کہ مالی فراڈ مائیگریشن سرٹیفکیٹ اپ ڈیٹ کے حوالے سے تھا اور متاثرہ کو فون پے کے ذریعے 05 روپے منتقل کرنے کو کہا گیا تھا جس کے بعد وہ ایک لاکھ روپے سے ہاتھ دھو بیٹھی۔
انہوں نے کہا کہ سائبر سیل کپواڑہ نے سائبر ہتھکنڈوں کا استعمال کرتے ہوئے لین دین کو کامیابی سے روک دیا اور پوری رقم بچ گئی اور ایک اور شکایت بھی موصول ہوئی جس میں ایک شکایت کنندہ سے 4,07,000 روپے کا دھوکہ کیا گیا۔
ترجمان نے کہا کہ دھوکا دینے والے نے ایک ماہ میں دوگنی رقم دینے کا وعدہ کیا تھا۔
بیان میں کہا گیا ہے کہ متاثرہ شخص نے مختلف اکاؤنٹس میں متعدد ٹرانزیکشنز کی ہیں جو کہ جعلساز نے فراہم کی تھیں۔
ترجمان نے مزید کہو کہ شکایت موصول ہونے کے فوراً بعد، سائبر سیل کپواڑہ نے شواہد اور معلومات اکٹھی کیں اور کامیابی کے ساتھ ان لین دین کو بلاک کرنے میں کامیاب ہو گئے اور 1,75,337 روپے کی رقم روک دی گئی اور رقم کی واپسی کا عمل شروع کر دیا گیا۔
ایک اور شکایت بھی موصول ہوئی جس میں ایک شکایت کنندہ سے 25,800 روپے کا دھوکہ کیا گیا، اس میں مزید کہا گیا ہے کہ جعلسازون نے متاثرہ شخص سے فیس بک کے ذریعے رابطہ کیا اور اس کا واٹس ایپ نمبر شیئر کیا اور کچھ دیر متاثرہ کے ساتھ چیٹنگ شروع کی اور خود کو برطانیہ میں کام کرنے والا ڈینٹل ڈاکٹر ظاہر کیا۔ متاثرہ نے اپنا پتہ بتانے کو کہا پھر میں آپ کو کچھ تحائف بھیجوں گا اور متاثرہ نے اس کی ہدایت پر عمل کیا اور 25,800 روپے کا نقصان کیا۔
انہوں نے کہا، “شکایت موصول ہونے کے فوراً بعد سائبر سیل کپواڑہ نے شواہد اور معلومات اکٹھی کیں۔ سائبر سیل کپواڑہ نے کامیابی سے اس لین دین کو روکا اور 25,800 روپے کی پوری رقم بچائی گئی”۔
دریں اثنا، ضلع پولیس کپوارہ نے عام لوگوں پر زور دیا کہ وہ آن لائن جعلی ٹریڈنگ سے چوکس رہیں، مشکوک لنکس، جعلی ایس ایم ایس کریڈٹ پیغامات پر کلک کرنے سے گریز کریں، انسٹاگرام/ٹیلی گرام پر غیر مجاز ایپس، جعلی کاموں کو انسٹال کرنے سے گریز کریں اور ذاتی معلومات آن لائن شیئر کرتے وقت محتاط رہیں۔
بیان میں مزید کہا گیا کہ ’’اگر آپ کو کسی بھی مشکوک سرگرمی کا سامنا ہوتا ہے تو فوری طور پر نیشنل سائبر کرائم ہیلپ لائن نمبر 1930 یا www.cybercrime.gov.in پر اطلاع دیں‘‘۔