جموں و کشمیر میں انسداد دہشت گردی کا جال مضبوط کیا جا رہا ہے: ڈی جی پی پربھات

عظمیٰ ویب ڈیسک
سرینگر/ڈائریکٹر جنرل آف پولیس نلین پربھات نے کہا کہ جموں و کشمیر پولیس انسداد دہشت گردی کے جال کو مضبوط کر رہی ہے اور سائبر جرائم سے نمٹنے کے لیے بھی اقدامات جاری ہیں۔وسطی کشمیر کے مانیگام میں پاسنگ آؤٹ پریڈ سے خطاب کرتے ہوئے ڈی جی پی پربھات نےکہاہم مرکز اور وزارت داخلہ کے شکر گزار ہیں جنہوں نے ہمیں مکمل تعاون اور مدد فراہم کی۔
ڈی جی پی نے کہاجموں و کشمیر پولیس شہداء کے خاندانوں کے ساتھ کھڑی ہے اور ہمیشہ ان کی حمایت میں رہے گی۔پاس آؤٹ ہونے والے اہلکاروں کو مبارکباد دیتے ہوئے ڈی جی پی نے کہاآپ ملک کی بہترین پولیس فورسز میں سے ایک کا حصہ بن گئے ہیں۔ میں آپ میں نظم و ضبط اور عزم دیکھ رہا ہوں اور آپ کے روشن مستقبل کے لیے نیک خواہشات کا اظہار کرتا ہوں۔”