یو این آئی

جموں// جموں کے نگروٹہ علاقے میں اتوار کے روز سروس رائفل سے حادثاتی طور پر گولی چلنے کی وجہ سے پولیس اہلکار جاں بحق ہوا ہے۔
اطلاعات کے مطابق جموں کے نگروٹہ علاقے میں معمول کی ڈیوٹی کے دوران پولیس اہلکار کی سروس رائفل سے گولی نکلی جو اُس کے جسم میں پیوست ہوئی۔
ذرائع نے بتایا کہ خون میں لت پت پولیس اہلکار کو علاج ومعالجہ کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت 46سالہ جے راج ولد کاکا رام ساکن پنج گارین نگروٹہ کے بطور ہوئی ہے۔
دریں اثنا پولیس نے اس ضمن میں کیس درج کرکے تحقیقات شروع کی ہے۔