جموں و کشمیر میں مطلع ابر آلود رہنے کا امکان

سری نگر//محکمہ موسمیات نے اتوار کو جموں و کشمیر میں اگلے 24 گھنٹوں کے دوران مطلع عام طور پر ابر آلود اور ہلکی بارش کی پیش گوئی کی ہے۔
محکمہ موسمیات کے ایک اہلکار نے کہا کہ “آئندہ 24 گھنٹوں کے دوران جموں و کشمیر میں ہلکی بارش کے ساتھ عام طور پر ابر آلود آسمان رہنے کا امکان ہے”۔
دریں اثنا سری نگر میں 18، پہلگام میں 12.4 اور گلمرگ میں 10 ڈگری سیلسیس کم از کم درجہ حرارت تھا۔
جموں میں 24.9، کٹرہ میں 23.7، بٹوت میں 18.1، بانہال میں 16.8 اور بھدرواہ میں 17.9 درجہ حرارت کم سے کم رہا۔
لداخ کے علاقے میں دراس میں کم سے کم درجہ حرارت 8.6، لیہہ 10.6 اور کرگل میں 13.9 تھا۔