جموں/ وزیر داخلہ امیت شاہ نے پیر کو یہاں راج بھون میں سیلاب سے متعلق امدادی اقدامات سے متعلق ایک اعلیٰ سطحی میٹنگ کی صدارت کی۔
حکام نے بتایا کہ میٹنگ میں لیفٹیننٹ گورنر منوج سنہا، وزیر اعلیٰ عمر عبداللہ، اسمبلی میں اپوزیشن لیڈر سنیل شرما اور سینئر سول، پولیس، نیم فوجی اور فوجی افسران شرکت کر رہے ہیں۔
قبل ازیں زیر داخلہ نے بکرم چوک اور منگوچک کے قریب توی پل کا دورہ کیا اور جموں خطہ میں گزشتہ ہفتے ریکارڈ بارش کے بعد حالیہ سیلاب سے ہونے والے نقصانات کا از خود جائزہ لیا۔
وزیر داخلہ اتوار کی شام کو جموں پہنچے تھے۔
یہ تین ماہ میں ان کا جموں کا دوسرا دورہ ہے۔ قبل ازیں انہوں نے 29 مئی کو ضلع کا دورہ کیا تھا، تقریباً تین ہفتے بعد جب مسلح افواج نے 22 اپریل کو پہلگام حملے کے جواب میں سرحد پار دہشت گردی کے بنیادی ڈھانچے پر میزائل حملے کیے تھے۔
قابل ذکر ہے کہ ماہ 14 اگست سے کشتواڑ، کٹھوعہ، ریاسی اور رام بن اضلاع میں بادل پھٹنے، لینڈ سلائیڈنگ اور اچانک سیلاب میں 130 سے زائد افراد جاں بحق اور 32 لاپتہ ہو گئے ہیں۔