عظمیٰ ویب ڈیسک

سرینگر// محکمہ تعلیم کشمیر نے منگل کو کشمیر صوبہ میں سکولوں کے اوقاتِ کار تبدیل کر دیے ہیں۔ کل سے سکول صبح 8 بجے سے دوپہر 1 بجے تک کھولے جائیں گے۔
محکمہ تعلیم کی طرف سے جاری ایک حکم نامہ کے مطابق، والدین اور دیگر کی طرف سے متعدد نمائندگیاں موصول ہوئیں تھیں۔ جاری گرمی کی لہر کی وجہ اور موسمی حالات، آئندہ پیش گوئیوں کو مدِ نظر رکھ کر اوقاتِ کار تبدیل کر دئے گئے ہیں۔
حکم نامہ کے مطابق، “لہٰذا اب مذکورہ بالا کو دیکھتے ہوئے اور والدین اور مختلف سٹیک ہولڈرز کی درخواستوں کے ساتھ ساتھ موسم کی پیشن گوئی پر غور کرنے کے بعد کشمیر صوبہ کے دیہی اور شہری علاقوں میں ہائر سیکنڈری سطح تک کے تمام سرکاری اور تسلیم شدہ نجی سکولوں میں کلاس ورک صبح 8:00 بجے سے دوپہر 1بجے تک ہو گا”۔
حکم نامہ کے مطابق، “مزید واضح کیا گیا ہے کہ تدریسی اور غیر تدریسی عملہ صبح 8:00 بجے سے دوپہر 2:00 بجے تک اپنی ڈیوٹی پر حاضر ہوگا۔
یہ اوقات 10اگست 2024 تک جاری رہیں گے۔