عظمیٰ ویب ڈیسک
سرینگر//جموں صوبے میں محکمہ اسکولی تعلیم نے اسکولوں کے اوقات کار میں یکم اکتوبر سے تبدیلی کا اعلان کیا ہے جس کے چلتے جموں میونسل حدود کے تحت آنے والے اسکولوں میں صبح 9سے شام 3بجے اور دیگر علاقوں میں صبح 9بجکر 30منٹ سے شام 3بجکر 30منٹ تک درس و تدریس کا عمل جاری رہے گا ۔
ذرائع کے مطابق ڈائریکٹوریٹ آف اسکول ایجوکیشن جموں نے یکم اکتوبر سے اسکولوں کے اوقات کار میں تبدیلی کا اعلان کیا ہے ۔ اس ضمن میں جاری ایک حکمنامہ کے مطابق تمام سابقہ احکامات کو ختم کرتے ہوئے، یہ حکم دیا جاتا ہے کہ جموں صوبے کے سمر زون میں تمام سرکاری اور پرائیویٹ اسکول یکم اکتوبر سے صبح 9.00 بجے سے دوپہر 3بجے تک اسکول کے اوقات کا مشاہدہ کریں گے۔ اس میں لکھا گیا کہ جموں میونسپل کارپوریشن کی حدود میں آنے والے اسکولوں اور اس کے آس پاس اسکولوں میںصبح 9بجے سے شام 3بجے تک درس و تدریس کا عمل ہوگا جبکہ ان کے علاقوں کو چھوڑ صوبے کے دیگر حصوں میں صبح 9.30 بجے سے دوپہر 3.30 بجے تک اسکول کے اوقات کا مشاہدہ کرے گا۔حکمنامہ میں لکھا گیا کہ تمام اسکو ل اس پر سختی سے عمل کریں گے اور قوانین کی خلاف ورزی کرنے والوں کیخلاف سخت کارورائی ہوگی ۔
جموں صوبے کے اسکولوں میں اوقات کار میں تبدیلی |میونسپل حدود میں صبح 9اور دیگر اسکول 9بجکر 30منٹ پر کھلیں گے
