عظمیٰ ویب ڈیسک

جموں// سینٹرل ایڈمنسٹریٹو ٹریبونل کی جموں بنچ نے جموں و کشمیر کے لیفٹیننٹ گورنر اور انتظامیہ کے دیگر اعلیٰ عہدیداروں کے خلاف “غیر سنجیدہ” عرضی دائر کرنے پر ایک سابق آئی اے ایس افسر پر ایک لاکھ روپے کا جرمانہ عائد کیا۔
ٹریبونل نے اپنے 16 جولائی کے حکم میں کہا کہ سابق آئی اے ایس افسر کمار رنچھوڈ بھائی پرمار کی طرف سے ان کی خدمات کے بارے میں دائر درخواست صرف لیفٹیننٹ گورنر منوج سنہا اور جموں و کشمیر انتظامیہ کے دیگر عہدیداروں کو “ہراساں” کرنے کے لیے دائر کی گئی تھی ۔
ٹربیونل نے کہا، “یہ ایک سروس سے متعلق معاملہ تھا اور یونین اور ریاستی حکومتوں پر الزام لگانے کے بجائے، پرمار نے لیفٹیننٹ گورنر منوج سنہا اور دیگر حکام کے خلاف ان کے ناموں سے کارروائی کی درخواست کی ہے”۔
ٹربیونل نے کہا کہ یہ بہت حیران کن ہے کہ درخواست گزار نے لیفٹیننٹ گورنر کے خلاف درخواست دائر کرائی، اور کہا کہ ٹریبونل درخواست کو خارج کر رہا ہے۔ ٹریبونل نے افسر پر ایک لاکھ روپے جرمانہ عائد کر رہا ہے تاکہ ” مستقبل میں شرارتی اور فضول درخواستوں کی فائلنگ کو روکا جا سکے”۔
ٹریبونل کے حکم پر جرمانے کی رقم دو ہفتوں کے اندر ایڈووکیٹ ویلفیئر فنڈ میں جمع کرانی ہوگی۔