اودھم پور میں منشیات فروش کے خلاف این ڈی پی ایس ایکٹ کے تحت مقدمہ درج:پولیس

عظمیٰ ویب ڈیسک
سرینگر/منشیات کی بیخ کنی کو یقینی بنانے کے لئے جنگ کو جاری رکھتے ہوئے پولیس نے ضلع اودھم پور میں ایک بدنام زمانہ منشیات فروش کے خلاف پی آئی ٹی این ڈی پی ایس ایکٹ کے تحت مقدمہ درج کیا ہے۔ایک پولیس ترجمان نے بتایا کہ اودھم پور پولیس نے ایک بدنام زمانہ منشیات فروش کے خلاف پی آئی ٹی این ڈی پی ایس ایکٹ کے تحت مقدمہ درج کیا گیا۔انہوں نے کہا کہ مذکورہ منشیات فروش اودھم پور اور ملحقہ علاقوں میں منشیات کا ممنوعہ مواد فروخت کرنے اور تقسیم کرنے کی سرگرمیوں میں ملوث تھا۔
منشیات فروش کی شناخت راہل شرما ولد پرم آنند شرما ساکن سمبال ڈانگہ اودھم پور کے طور پر کی گئی ہے۔بیان میں کہا گیا کہ مذکورہ منشیات فروش علاقے کے پر امن ماحول کے لئے خطرہ تھا جو اکثر نوجوانوں کو منشیات کی لت میں پھنسانے کے لئے کوشاں رہتا تھا۔انہوں نے کہا کہ اس کے خلاف کئی مقدمے درج ہیں اور وہ ضلع میں منشیات اسمگلنگ کو فروغ دینے میں ملوث تھا۔