عظمیٰ ویب ڈیسک
سری نگر/منشیات فروشوں کے خلاف کارروائیوں کو وسیع پیمانے پر جاری رکھتے ہوئے پولیس نے بڈگام ضلع میں سال رواں کے دوران اب تک پریوینشن آف ایلسیٹ ٹریفک ان نارکوٹکس ڈرگس اینڈ سائیکوٹروپک سبسٹنس ایکٹ (پی آئی ٹی این ڈی پی ایس) کے تحت 8 منشیات فروشوں کو گرفتار کیا ہے۔
ایک پولیس ترجمان نے بتایا کہ منشیات فروشوں کے خلاف مہم کے ایک حصے کے طور پر چار منشیات فروشوں کو مارچ 2025 میں پی آئی ٹی این ڈی پی ایس ایکٹ کے تحت گرفتار کیا گیا ہے۔
انہوں نے کہا کہ اس کے ساتھ سال رواں کے دوران اب تک ضلع میں گرفتار کئے جانےوالے منشیات فروشوں کی تعداد 8 ہوگئی۔
Budgam Police Intensifies Against Drug Peddlers, eight (08) Notorious Peddlers Detained Under PIT NDPS Act so far this year to curb the menace of narcotics in the district.#PITNDPS@JmuKmrPolice @KashmirPolice @DIGCKRSGR@NikhilB__IPS
— BUDGAM POLICE (@BudgamPolice) March 25, 2025
بیان میں گرفتارشدگان کی شناخت نذیر احمد شیخ ساکن ٹنگہ نار چاڈورہ، محمد سلطان بٹ ساکن شولی پورہ،محمد الطاف گنائی ساکن درد پورہ، فاروق احمد شیخ ساکن ٹنگہ نار چاڈورہ،عبدالحمید ڈار ساکن شولی پورہ، ریاض احمد آہنگر ساکن شند پورہ واتہ کلو، معراج احمد میر ساکن چھون بڈگام اور محمد رفیق ڈار ساکن رسو کے طور پر کی گئی ہے۔
پولیس ترجمان نے بتایا کہ پولیس منشیات کے کاروبار کے خاتمے اور ایک محفوظ، منشیات سے پاک معاشرے کو یقینی بنانے کے لیے پرعزم ہے۔
انہوں نے کہا کہ منشیات کی سمگلنگ میں ملوث افراد کے خلاف سخت قانونی کارروائی کی جا رہی ہے جو کہ نوجوانوں کو منشیات کے استعمال کے خطرات سے بچانے کے لیے قانون نافذ کرنے والے اداروں کے پختہ عزم کی عکاسی کرتی ہے۔
