عظمیٰ ویب ڈیسک

جموں// پاک فوج نے جنگ بندی معاہدے کی خلاف ورزی کرکے ضلع سانبہ کے رام گڑھ سیکٹر میں بین الاقوامی سرحد پر بلا اشتعال فائرنگ کے واقع میں ایک بی ایس ایف اہلکار ہلاک ہو گیا ہے، تاہم بی ایس ایف نے بھی فائرنگ کی بھرپور جوابی کاروائی کی۔
بی ایس ایف ترجمان نے بتایا کہ پاک فوج نے بدھ اور جمعرات کی درمیانی شب سانبہ کے رام گڑھ سیکٹر میں بین الاقوامی سرحد پر بلا اشتعال فائرنگ کی۔
انہوں نے کہا کہ وہاں تعینات بی ایس ایف جوانوں نے اس حملے کا بھر پور جواب دیا۔
اُنہوں نے بتایا کہ پاکستانی فوج کی فائرنگ کے نتیجے میں ایک بی ایس ایف جوان زخمی ہوا ہے جس کو علاج و معالجے کے لئے ہسپتال منتقل کیا گیا، تاہم گورنمنٹ میڈیکل کالج منتقل کئے جانے کے دوران وہ دم توڑ گیا۔ بی ایس ایف اہلکار کی شناخت لال فارن کیما کے طور پر ہوئی ہے۔
قبل ازیں، پاک فوج نے 18 اور 26 اکتوبر کو ارنیہ سیکٹر میں بین الاقوامی سرحد پر فائرنگ کی تھی جس کے نتیجے میں بی ایس ایف کے دو جوان زخمی ہوئے تھے۔