سرحدی لوگوں نے ہمیشہ بہادری سے دشمن کا مقابلہ کیا ہے:جاوید احمد رانا

عظمیٰ ویب ڈیسک
سرینگر/وزیر برائے جل شکتی جاوید احمد رانا کا کہنا ہے کہ جموں وکشمیر کی سرحدی بستیوں کے لوگوں نے ہمیشہ بہادری کا مظاہرہ کرکے دشمن کا مقابلہ کیا ہے۔انہوں نے کہا کہ ہمارے سرحدی لوگوں نے ملک کی سالمیت کو بر قرار رکھنے کے لئے بڑی قربانیاں دی ہیں۔ان کا کہنا ہے کہ ہماری فوج مضبوط ہے اور لوگوں اور سرحدوں کو تحفظ فراہم کر رہی ہے۔
سرحدوں کی موجودہ صورتحال کے بارے میں پوچھے جانے پر انہوں نے کہاہماری سرحدی بستیوں کے لوگوں نے ہمیشہ بہادری کا مظاہرہ کرکے دشمن کا مقابلہ کیا ہے۔ان کا کہنا ہےدونوں ممالک کے درمیان کشیدگی سے لوگ سہمے ضرور ہیں لیکن سرحدی لوگوں نے ہمیشہ ملک کی سالمیت کے لئے قربانیاں پیش کی ہیں۔
ملک کی فوج پر پورا اعتماد ظاہر کرتے ہوئے جاوید احمد رانا نے کہا: ‘ملک کی فوج مضبوط ہے اور لوگوں اور سرحدوں کو تحفظ فراہم کر رہی ہے۔انہوں نے کہاجہاں جموں وکشمیر کے اتحاد کے لئے پولیس، سیکورٹی فورسز اور عام لوگوں کی قربانیاں ہیں وہیں فوج کا بھی بہت بڑا رول ہے اور ہماری فوج کا دنیا میں ایک نام ہے۔
ان کا کہنا تھاپہلگام واقعے سے پورا ملک غم میں ہے، ملک میں ماتم کا ماحول ہے،میری سیکورٹی فورسز اور انٹلی ایجنس ایجنسیوں سے گذارش ہے کہ وہ مرتکبین کو تلاش کرنے کے لئے محنت کریں تاکہ وہ ہاتھ لگ جائیں۔
انہوں نے کہاجنگ کسی مسئلے کا حل نہیں ہے پاکستان نے ہمیشہ خرابیاں کی ہیں، یہاں لوگوں کا قتل عام کیا ہے، ہمیں مجرموں کو ضرور سزا دینی ہے لیکن کوئی ایسا فیصلہ نہیں کرنا ہے جو ہمارے وشو گرو بننے میں رکاوٹ بن جائے۔