بی جے پی لیجسلیچر پارٹی کی میٹنگ آج

عظمیٰ ویب ڈیسک
سرینگر/بھارتیہ جنتا پارٹی لیجسلیچر پارٹی کی میٹنگ آج منعقد ہوگی تاکہ جموں و کشمیر قانون ساز اسمبلی کے خصوصی اجلاس کے لیے حکمت عملی تیار کی جا سکے، جو کل 28 اپریل 2025 کو جموں میں منعقد ہونا ہے۔پارٹی ذرائع کے مطابق، یہ میٹنگ آج سہ پہر 3 بجے تریکوٹہ نگر، جموں میں پارٹی دفتر میں منعقد ہوگی۔
اجلاس کا واحد ایجنڈا پہلگام حملے کی مذمت کرنا، متاثرین سے اظہار یکجہتی کرنا اور ایوان کے اس عزم کا اظہار کرنا ہے کہ وہ ملی ٹینٹ کارروائیوں کے آگے نہیں جھکے گا۔تاہم، امکان ہے کہ بی جے پی کو مشاورت کے دوران سیکیورٹی میں ہونے والی کوتاہیوں سے متعلق کچھ سخت سوالات کا سامنا بھی کرنا پڑ سکتا ہے۔