بی جے پی کی سری نگر میں ترنگا ریلی کا اہتمام

عظمیٰ ویب ڈیسک
سری نگر/بی جے پی کے جموں و کشمیر یونٹ نے جمعرات کو’آپریشن سندور‘کا جشن منانے کے لئے یہاں شیر کشمیر پارک سے لال چوک تک ایک ترنگا ریلی کا اہتمام کیا۔ریلی میں بڑی تعداد میں بی جے پی لیڈروں اور کارکنوں نے شرکت کی۔انہوں نے ہاتھوں میں ترنگے اٹھا رکھے تھے اور وہ ملک کے حق میں نعرے لگا رہے تھے۔
اس موقع پر بی جے پی لیڈر اور جموں وکشمیر وقف بورڈ کی چیئر پرسن نے میڈیا کو بتایایہ ریلی ملک کے تئیں ہمارے محبت کی علامت ہے۔انہوں نے کہاملک کی فوج نے پاکستان میں دہشت گرد ٹھکانوں کو تباہ کرکے دنیا کو یہ دکھا دیا کہ وہ کس قدر طاقتور ہے۔
ان کا کہنا تھاپاکستان ہمیشہ امن و امان کو خراب کرنے کی کوشش کرتا ہے لیکن اس ہمیشہ منہ توڑ جواب دیا جاتا ہے۔موصوف چیئر پرسن نے کہاہمارے وزیر اعظم ہمیشہ وہ کام کرتے ہیں جو ملک کے لئے صحیح ہوتا ہے۔
انہوں نے کہاہم آپریشن سندور کی کامیابی کے لئے اپنے فوج جوانوں کو سلام کرتے ہیں۔ایک کارکن نے لالچوک میں میڈیا کو بتایاہم آج یہاں آپریشن سندور کی کامیابی کے لئے خوشی منا رہے ہیں۔انہوں نے کہاہم یہ جشن منا رہے ہیں کیونکہ ملک کی فوج نے پاکستان کو شکست دے کر کامیابی کا جھنڈا گاڑ دیا ہے اور آپریشن سندر اپنا مقصد حاصل کرنے میں کامیاب ہوا ہے۔
ان کا کہنا تھاہماری دو بہنوں نے پاکستان پر حملہ کیا جو ہمارے ملک کے لئے ایک شان ہے۔ایک اور کارکن نے کہاہم اپنے وزیر اعظم کے اس فیصلے کا خیر مقدم کرتے ہیں۔انہوں نے کہاپاکستان پر حملہ کیا گیا اور وہاں جو دہشت گرد ٹھکانے تھے ان کو تباہ کر دیا گیا۔