سرینگر میں بطور سُنار کام کر رہے مغربی بنگال کے ایک شخص کی پراسرار حالت میں نعش برآمد

عظمیٰ ویب ڈیسک
سرینگر/مغربی بنگال سے تعلق رکھنے والا 30 سالہ شخص جمعرات کو سرینگر میں پراسرار حالات میں مردہ پایا گیا، حکام نے اطلاع دی ہے۔ایک سرکاری عہدیدارنے بتایا کہ مذکورہ شخص کو بے ہوشی کی حالت میں پایا گیا اور فوری طور پر ایس ایم ایچ ایس اسپتال منتقل کیا گیا، تاہم ڈاکٹروں نے اسے مردہ قرار دے دیا۔
انہوں نے کہا کہ یہ واقعہ ہری سنگھ ہائی اسٹریٹ کے علاقے کا ہے، جہاں وہ بطور سنار کام کر رہا تھا۔ متوفی کی شناخت پلاب ماجی ولد مانتو ماج، ساکن مغربی بنگال ،بعمر 30برس کے طور پر کی گئی ہے۔پولیس نے واقعے کا نوٹس لے کر تحقیقات شروع کر دی ہیں۔