پیر بابا بڈھن علی شاہ کاسالانہ عرس :صوفی خانقاہیں ہم آہنگی اور امید کے مراکز ہیں: داراخشاں اندرابی

عظمیٰ ویب ڈیسک
سرینگر /پیر بابا بڈھن علی شاہ کا سالانہ عرس آج ان کے درگاہ،ایئرپورٹ کے نزدیک واقع میں عقیدت و احترام کے ساتھ منایا گیا۔ جموں و کشمیر وقف بورڈ کی چیئرپرسن ڈاکٹر درخشاں اندرابی نے عرس کی تقریب میں شرکت کی۔
اس سال عرس میں بڑی تعداد میں لوگوں نے شرکت کی۔ ڈاکٹر اندرابی نے درگاہ میں خصوصی دعاؤں میں شرکت کی، جو امن و آشتی اور بنی نوع انسان کی خوشحالی کے لیے کی گئیں۔ انہوں نے بھنڈارے اور دیگر انتظامات کی بھی نگرانی کی تاکہ زائرین کو ہر ممکن سہولت دی جا سکے۔
زائرین اور مقامی لوگوں نے ڈاکٹر اندرابی اور وقف بورڈ کی جانب سے درگاہ کی ترقی اور عرس کے موقع پر فراہم کی گئی سہولیات کی بھرپور تعریف کی۔ کئی عوامی وفود نے وقف بورڈ کی چیئرپرسن سے ملاقات کی اور صوفی خانقاہوں کی ترقیاتی کاموں پر ان کا شکریہ ادا کیا۔
اس موقع پر میڈیا سے بات کرتے ہوئے ڈاکٹر اندرابی نے کہا کہ یہ باعثِ اطمینان ہے کہ زائرین وقف بورڈ کے ترقیاتی اقدامات کو سراہارہے ہیں۔ انہوں نے کہاصوفی خانقاہیں ہم آہنگی اور امید کے مراکز ہوتی ہیں۔ یہاں سماجی رکاوٹیں کوئی معنی نہیں رکھتیں۔ یہ روحانی مقامات انسانیت کے درمیان پُل کا کام کرتی ہیں۔انہوں نے مزید کہا کہ وقف بورڈ اب ترقی کی علامت بن چکا ہے اور ہم اس ترقی کے سفر کو تیز رفتاری سے جاری رکھنے کے لیے پرعزم ہیں۔