عظمیٰ ویب ڈیسک
جموں/شری امرناتھ جی یاترا کے لئے منگل کی صبح ایک ہزار پانچ سو کے قریب یاتریوں کا ایک اور قافلہ سخت سیکورٹی بند وبست کے بیچ کشمیر کے لئے روانہ ہوا سرکاری ذرائع نے بتایا کہ بھگوتی نگر بیس کیمپ سے منگل کی صبح 1 ہزار 4 سو 90 یاتریوں کا ایک اور قافلہ 61 چھوٹی بڑی گاڑیوں میں کشمیری کے لئے روانہ ہوا انہوں نے کہا کہ ان یاتریوں میں 1 ہزار 2 سو 62 مرد، 1 سو 86 خواتین اور 42 سادھو اور سادھویں شامل تھیں۔
ان کا کہنا تھا کہ یاتریوں میں سے 3 سو 27 یاتری 16 گاڑیوں میں وسطی کشمیر کے ضلع گاندر بل میں واقع بالتل بیس کیمپ جبکہ 1 ہزار 1 سو 63 یاتری 45 گاڑیوں میں جنوبی کشمیر کے ضلع اننت ناگ میں واقع ننون پہلگام بیس کیمپ کے لئے روانہ ہوئے۔
حکام کے مطابق اب تک 3 لاکھ 86 ہزار سے زیادہ یاتری پوتر گھپا کے درشن سے فیضاب ہوئے ہیں۔سال گذشتہ 5 لاکھ سے زیادہ یاتروں نے پوتر گھپا کا درشن کیا تھا۔امسال 38 دنوں پر محیط یہ یاترا 9 اگست کو رکشا بندھن کے موقع پر اختتام پذیر ہوگی۔جموں وکشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کیمپ سے یاتریوں کے پہلے قافلے کو جھنڈی دکھا کر روانہ کیا تھا۔
شری امرناتھ یاترا:بھگوتی نگر بیس کیمپ سے 14 سو زیادہ یاتریوں کا ایک اور قافلہ روانہ
