شری امرناتھ یاترا: ساڑھے تین ہزار یاتریوں کا ایک اور قافلہ روانہ

عظمیٰ ویب ڈیسک
سرینگر/شری امرناتھ جی یاترا کے لئے جمعرات کی صبح 35 سو یاتریوں کا ایک اور قافلہ سخت سیکورٹی حصار میں کشمیر کے لئے روانہ ہوا۔ سرکاری ذرائع نے بتایا کہ بھگوتی نگر بیس کیمپ سے جمعرات کی صبح 3 ہزار 5 سو یاتریوں کا ایک اور قافلہ 140 چھوٹی بڑی گاڑیوں میں کشمیر کے لئے روانہ ہوا۔
انہوں نے کہا کہ ان یاتریوں میں سے 8 سو 32 یاتری جنوبی کشمیر کے ضلع اننت ناگ میں واقع ننون پہلگام بیس کیمپ جبکہ 2 ہزار 6 سو 68 یاتری وسطی کشمیر کے ضلع گاندربل میں واقع بالتل بیس کیمپ کے لئے روانہ ہوئے۔
حکام نے بتایا کہ یاترا کے پہلے 21 دنوں کے دوران ساڑھے تین لاکھ کے قریب یاتری پوتر گھپا کے درشن سے فیضیاب ہوئے ہیں۔امسال 38 دنوں پر محیط یہ یاترا 9 اگست کو رکشا بندھن کے موقع پر اختتام پذیر ہوگی۔جموں و کشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کمیپ سے یاتریوں کو پہلے قافلے کو کشمیر کے لئے روانہ کیا تھا۔