عظمیٰ ویب ڈیسک
سرینگر/شری امرناتھ جی یاترا بحسن و خوبی جاری رہتے ہوئے پیر کی صبح ساڑھے تین ہزار سے زیادہ یاتریوں کا ایک اور قافلہ سخت سیکورٹی بند وبست کے بیچ کشمیر کے لئے روانہ ہوا۔سرکاری ذرائع نے بتایا کہ بھگوتی نگر بیس کیمپ سے پیر کی صبح 3 ہزار 7 سو 91 یاتریوں کا ایک اور قافلہ 148 چھوٹی بڑی گاڑیوں میں کشمیر کے لئے روانہ ہوا۔انہوں نے کہا کہ ان یاتریوں میں 3 ہزار 67 مرد، 5 سو 22 خواتین، 9 بچے، 1 او 92 سادھو اور سادھوئیں اور ایک خواجہ سرا شامل ہے۔
ان کا کہنا ہے کہ 1 ہزار 2 سو 8 یاتریوں پر مشتمل پہلی کانوائے 52 گاڑیوں میں وسطی کشمیر کے ضلع گاندربل میں واقع بالتل بیس کیمپ جبکہ 2 ہزار 5 سو 83 یاتریوں کی دوسری کانوائے92 گاڑیوں میں جنوبی کشمیر کے ضلع اننت ناگ میں واقع ننون پہلگام بیس کیمپ کے لئے روانہ ہوئی۔حکام کے مطابق اب تک 3 لاکھ سے زیادہ یاتری پوتر گھپا کے درشن سے فیضیاب ہوئے ہیں۔
امسال 38 دونوں کو محیط یہ یاترا 9 اگست کو رکشا بندھن کے موقع پر اختتام پذیر ہوگی۔جموں و کشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کیمپ سے پہلے قافلے کو جھنڈی دکھا کر روانہ کیا تھا۔
شری امرناتھ یاترا: ساڑھے 3ہزار سے زیادہ یاتریوں کا ایک اور قافلہ روانہ
