عظمیٰ ویب ڈیسک

سرینگر// بھارت کی سب سے تیزی سے ترقی کرنے والی ہوائی کمپنی، اکاسا ایئر نے جموں و کشمیر کے دارالحکومت سرینگر سے اپنی پروازیں شروع کر دیں ہیں جو اسے نان سٹاپ روزانہ کی پروازوں کے ساتھ ممبئی سے جوڑیں گی۔ مارچ 2024 کو افتتاحی پرواز شیخ العالم بین الاقوامی ہوائی اڈے سے 1 بج کر 55 منٹ پر روانہ ہوئی اور 5 بجے چھترپتی شیواجی مہاراج بین الاقوامی ہوائی اڈے پر پہنچی۔
پروین ائیئر، شریک بانی اور چیف کمرشل آفیسر اکاسا ایئر نے کہا، “ہمیں سرینگر سے آپریشن شروع کرنے پر خوشی ہے، اور ملک بھر میں اپنی موجودگی کو مزید وسعت دے رہے ہیں۔ اپنی قدرتی خوبصورتی اور بھرپور ورثے کیلئے مشہور، سرینگر نے پچھلے کچھ سالوں میں ملکی اور غیر ملکی سیاحوں کی آمد میں نمایاں اضافہ دیکھا ہے۔ سرینگر کو ممبئی جیسے اہم میٹرو سے جوڑنے والی ہماری یومیہ پروازیں سفر کی قابلیت میں اضافہ اور دونوں شہروں کے درمیان ہوائی سفر کی بڑھتی ہوئی مانگ کو رفتار فراہم کریں گی۔ بھارت کی سب سے تیزی سے ترقی کرنے والی ایئرلائن کے طور پر، کفایتی کرایے پر ہم اپنے صارفین کو بغیر کسی رکاوٹ کے سفر کے متبادل، قابل بھروسہ آپریشنز، اور صارف کو گرمجوش مہمان نوازی کا تجربہ فراہم کرنے کی مسلسل کوشش کرتے ہیں“۔
بیلسن کوٹینہو، شریک بانی اور چیف مارکیٹنگ اور ایکسپیریئنس افسر، اکاسا ایئر نے کہا، “یہ ہمارے لیے بہت خوشی کا وقت ہے، کیونکہ ہم شمالی بھارت میں اپنے کاروبار کو وسعت دے رہے ہیں اور اکاسا کے تجربے کو سرینگر میں لے کر آئے ہیں۔
اُنہوں نے کہا کہ اکاسا ایئر میں، ہم سروس کی فضیلت کیلئے ایک غیر متزلزل عزم کے ساتھ ہوائی سفر کی نئی تعریف بیان کرنے کے سفر پر ہیں۔ اپنے زمرے میں خدمت کی نئی وضاحت جیسے کیفے آکاسا اور پیٹسن آکاسا کی پیش کش کے ساتھ ہمارے بالکل نئے طیاروں کو جن میں دو سیٹوں کے درمیان کافی جگہ ہونے اور بہتر آرام فراہم کرنے کے سبب ملک بھر کے لاکھوں مسافروں نے سراہا ہے۔ ہم دوران سفر مسافروں کی میزبانی کرنے اور انہیں جہاز پر ایک یادگار سفر پیش کرنے کے منتظر ہیں“۔
اکاسا ایئر نے ایک جامع، پر جوش اور آرام دہ پرواز کے تجربے کو یقینی بنانے کیلئے متعدد معیاری مصنوعات اور مختلف خدمات متعارف کرائی ہیں۔ اس کا بالکل نیا بیڑا جس میں دو سیٹوں کے درمیان کافی جگہ ہے جو مزید آرام فراہم کرتے ہیں اور زیادہ تر ہوائی جہازوں میں یو ایس بی پورٹ ہیں، جس سے مسافر چلتے پھرتے اپنے گیجٹس اور آلات چارج کر سکتے ہیں۔
کیفے اکاسا، ایئر لائن کی آن بورڈ کھانے کی خدمت، صحت مند اور لذیذ کھانوں کا ایک مجموعہ پیش کرتی ہے، جس میں تہوار کے مینو اور صنعت کے اول متبادل جیسے کمبوچا شامل ہیں، تاکہ صارفین کو آسمانوں میں ایک دلکش نفیس تجربہ پیش کیا جا سکے۔ پیٹسن اکاسا صارفین کو اپنے پالتو جانوروں کے ساتھ کیبن میں سفر کرنے یا ان کے وزن کی بنیاد پر ان کو کارگو میں لے جانے کی اجازت دیتا ہے۔ اس کے علاوہ، بصارت سے محروم افراد کے سفر کو آسان بنانے کی کوشش میں، اکاسا ایئر نے اپنا حفاظتی ہدایات کارڈ اور آن بورڈ مینو کارڈ بریل میں متعارف کرایا ہے۔
اکاسا ایئر کی وقت کی پابندی کی قابلیت، آپریشنل افادیت اور صارفین کے انتہائی مثبت فیڈ بیک نے اسے بھارت میں ایک ترجیحی کیریئر بنا دیا ہے، جس کے نتیجے میں پچھلے 12 مہینوں میں اوسطاً پیسنجر لوڈ فیکٹر 85 فیصد سے زیادہ ہے۔
اگست 2022 میں اپنے آغاز کے بعد سے، آکاسا ایئر نے 7.75 ملین سے زیادہ مسافروں کو خدمات فراہم کی ہیں اور 21 شہروں، یعنی ممبئی، احمد آباد، بنگلورو، چنئی، کوچی، دہلی، گوہاٹی، اگرتلہ، پونے، لکھنو¿، گوا، حیدر آباد، وارانسی، باگڈوگرا، بھونیشور، کولکتہ، پورٹ بلیئر، ایودھیا، گوالیار، سری نگر، اور دوحہ (قطر) کو جوڑتی ہے۔