سری نگر/ موجودہ خراب موسمی حالات کے پیش نظر سری نگر پولیس نے عام لوگوں کی حفاظت اور بہبود کو یقینی بنانے کے لیے ہنگامی ہیلپ لائن خدمات قائم کی ہیں۔
ایک پولیس ترجمان نے بتایا کہ کسی بھی ہنگامی صورت حال میں فوری مدد اور بروقت ردعمل فراہم کرنے کے لیے، ضلع سری نگر میں درج ہنگامی رابطہ نمبرز کو فعال کر دیا گیا ہے۔
لوگوں سے کہا گیا ہے کہ وہ پولیس کنٹرول روم سری نگر اور متعلقہ تھانوں کے سینئر پولیس افسروں کے ساتھ ان کے فون نمبرات پر رابطہ قائم کریں۔
واضح رہے کہ جموں وکشمیر میں گذشتہ 12 گھنٹوں سے موسلا دھار بارشوں کا سلسلہ جاری ہے جس سے سیلابی صورتحال پیدا ہوئی ہے۔
خراب موسمی صورتحال کے پیش نظر حکام نے وادی کشمیر میں آج یعنی بدھ کو کالج اور اسکول بند رکھنے کا حکم دیا ہے جبکہ کشمیر یونیورسٹی اور کلسٹر یونیوسرٹی نے امتحانات بھی ملتوی کر دئے ہیں۔