سری نگر// سرینگر ہوائی اڈے کے ڈراپ گیٹ پر کارروائی کے وقت کو کم کرنے کی کوشش میں، سری نگر بین الاقوامی ہوائی اڈے کے حکام نے سامان کی تلاشی کے لیے مزید تین ایکسرے مشینیں نصب کی ہیں۔
ڈائریکٹر ایئر پورٹ جاوید احمد نے کہا کہ سامان کی تلاشی کے لیے متعلقہ بنیادی ڈھانچے کے ساتھ 3 اضافی ایکس رے مشینیں سری نگر ایئرپورٹ کے ڈراپ گیٹ پر نصب کی گئی ہیں۔
انہوں نے کہا، “اب ہمارے پاس 10 ایکس رے مشینیں ہیں، جو سامان اور مسافر گاڑیوں کو تیزی سے کلئیر کرنے میں مدد کریں گی”۔
انہوں نے کہا کہ اس کے ساتھ، ڈراپ گیٹ سے پہلے قطاروں میں گاڑیوں کی نقل و حرکت تیز ہوگی اور پروسیسنگ کا وقت کافی کم ہوجائے گا۔
بیان میں مزید کہا گیا کہ “ایئرپورٹ اتھارٹی آف انڈیا مسافروں کو سری نگر ہوائی اڈے کے داخلی دروازے پر ایک ہموار اور دوستانہ تجربہ فراہم کرنے کی خواہش رکھتی ہے”۔
سرینگر ہوائی اڈے پر سامان کی تلاشی کے لیے مزید 3 ایکسرے مشینیں نصب
