پرتھ/آسٹریلیا کے تیزگیندباز مچیل اسٹارک نے ٹیسٹ میں اپنے کیریئر کی بہترین گیندبازی کرتے ہوئے 58 رن دے کر 7 وکٹیں حاصل کیں، لیکن انگلینڈ کے کپتان بین اسٹوکس نے 23 رن کے عوض 5 وکٹ لے کر میچ کو سنسنی خیز بنا دیا۔ پہلے دن پرتھ میں مہمان ٹیم کے 172 رن کے جواب میں آسٹریلیا 123 رن پر 9 وکٹیں کھو کر لڑکھڑا گیا۔ ایک بہترین بیٹنگ پچ پر 19 وکٹیں گریں ،جو پچھلے 100 برس میں ایشیز ٹیسٹ کے پہلے دن گری ہوئی سب سے زیادہ وکٹیں ہیں۔ دلچسپ طور پر میچ کا توازن برقرار ہے اور انگلینڈ 49 رن سے آگے ہے ۔انگلینڈ نے ٹاس جیت کر بیٹنگ کا فیصلہ کیا۔ زَیک کرولی نے گزشتہ ایشیز میں پہلی گیند پر باؤنڈری لگائی تھی، مگر اس بار اسٹارک کی پہلی گیند کو پوائنٹ کی طرف گائیڈ کرنا کافی عجیب تھا۔ کچھ ہی دیر بعد کرولی نے بغیر پیر ہلائے آف سائیڈ پر ڈرائیو کھیلنے کی کوشش کی، بائیں ہاتھ کے بولر کی اینگل سے آتی ہوئی گیند کو پہلی سلپ نے آسانی سے کیچ کر لیا۔ دوسری جانب اسکاٹ بولینڈ اپنی لائن اور لینتھ پر قابو نہیں رکھ پائے اور بین ڈکٹ نے انہیں کراس ڈرائیوز اور گراؤنڈ شاٹس سے باؤنڈری تک پہنچا دیا۔ڈکٹ کئی خوبصورت باؤنڈری لگا چکے تھے اور خطرناک موڈ میں دکھائی دے رہے تھے ، مگر اسٹارک نے انہیں ایل بی ڈبلیو کرکے پویلین بھیج دیا، اور بلے باز نے اپنا ریویو بھی ضائع کیا۔ جو روٹ، جو آسٹریلیا میں اپنی ناکام بیٹنگ کا سلسلہ توڑنے کی کوشش کر رہے ہیں، بہت بے چینی میں نظر آئے ؛ سلپ میں ایک رن لیا اور اسٹارک کے دن کے تیسرے شکار بن گئے ۔ برینڈن ڈوگٹ بھی اپنے ٹیسٹ ڈیبیو میں اولی پوپ کو اپنی پہلی ہی گیند پر بولڈ کر دیا ۔39 رن پر 3 وکٹ کے بعد پوپ اور ہیری بروک نے کاؤنٹر اٹیک کیا اور بولینڈ و ڈوگٹ کی غلط لینتھ کا فائدہ اٹھایا۔ بروک کی بولینڈ پر سیدھی ڈرائیو دن کے بہترین شاٹس میں سے تھی۔ اس جوڑی نے پورے دن کی واحد 50 رن کی پارٹنرشپ بنائی، جس میں پوپ نے کیمَرون گرین کو لانگ آن کی طرف خوبصورت ڈرائیو کیا۔ پوپ بار بار آف کی لائین سے باہر شفل کر رہے تھے ، جس کا فائدہ اٹھاتے ہوئے گرین نے انہیں اسٹمپ کے سامنے پیڈ پر جمایا اور انگلینڈ نے لنچ سے قبل اپنا چوتھا وکٹ کھو دیا۔لنچ کے بعد بروک نے اپنا جارحانہ انداز جاری رکھا اور دوسری ہی گیند پر بولینڈ کو ایکسٹرا کور کے اوپر سے چھکا جڑ دیا۔ دوسرے اینڈ پر اسٹارک کی واپسی نے فوراً اسٹوکس کا اہم وکٹ دلایا۔ پھر جیمی اسمتھ اور بروک نے تیز رفتار پارٹنرشپ نبھائی۔ بروک نے اسٹارک کی گیندوں پر لگاتار دو چوکے لگائے جبکہ اسمتھ نے بولینڈ کو باؤنڈری لائن تک پہنچایا۔ بروک 50 پر پہنچے – آسٹریلیا کے خلاف اپنی گزشتہ پانچ اننگز میں چوتھی نصف سنچری – اور اسمتھ نے بھی اسٹارک کی گیندوں پر تین چوکے لگائے ۔ جب یہ جوڑی ہندوستانی سیریز والی 158 رن کی پارٹنرشپ جیسی صورت اختیار کرتی دکھ رہی تھی، تب ڈوگٹ نے ایلیکس کیری کی تیز گیند پر بروک کو گلَو آؤٹ کرا دیا۔اس کے بعد اسٹارک نے گَس ایٹکنسن کا وکٹ لے کر اپنا پانچواں ‘پانچ وکٹ’ مکمل کیا۔
پرتھ ٹیسٹ||اسٹارک کے 7اور اسٹوکس کے 5 وکٹ
